| යහන්ගල | | කෙහෙල්පත්දොරුව | | ගැරඬිගල |

මෙන්න මෙහෙමයි පටන් ගත්තෙ

නිදහසේ කියනව නම් මේක දිග කතාවක්. කියවන අයගෙ පහසුව නිසා ගමනට වැදගත් වෙන විස්තර ටිකත් එක්ක කෙටියෙන් කියන්නම්. කොරෝනා ප්‍රශ්නෙ නිස රට වහලා මාස හතරකට විතර පස්සෙ අපිට exam තියන්නම campus open කලා. Exam ඉවර වෙලා කොහේ හරි යන එක අපේ පුරුද්දක්. අපි හිතුවා යහන්ගල යන්න. අහලා තිබුණු කතා නිසා තනියම යන එක ඇඟට ගුණ නෑ කියලා හිතුණු නිසා අපි Guide කෙනෙක් හොයාගත්තා. ඇත්තටම ඒක හොඳ තීරණයක්. වෙන මුකුත් plans තිබ්බෙ නෑ. යහන්ගල යන එක විතරයි හිතුවේ. යහන්ගල තියෙන්නෙ කලුගල කියන ගමේ.

කලින්ම හදාගත්ත සැලසුම

අපේ Guide තමයි නිලාන් එරන්ද. එයා අපිට කිව්වා උදේ 8 වෙද්දි උඩුදුම්බර ට එන්න. උදේ 8.10ට උඩුදුම්බරින් කලුගලට බස් එකක් යනවා ඒක අල්ලගන්න ඕනෙ කියලා. අපි ඉතින් පොදු ප්‍රවාහන සේවේ තමයි භාවිත කරන්නෙ. නැත්නම් වියදම දරන්න අමාරුයි. අපි කොළඹ කොටුවෙන් මහියංගනය – කොළඹ බස් එකක ආවේ. බස් එක කොටුවෙන් උදේ 2.45ට ඇද්දා. අපි උදේ 7.20 වගෙ වෙද්දි උඩුදුම්බර ට ආවා. පොඩි ටවුන් එකක්. අපි 11ක් හිටියා. නිලාන් කියපු විදියටම එතන්ට ආවා. උදේට කාලා අපි කලින් කිව්ව බස් එකේ කලුගලට ගියා. උඩුදුම්බරින් වමට හැරිලා කිලෝමීටර් 10ක් වගේ යන්න ඕනේ. ඉතින් මේ බස් එකෙන් බස් එකේ ගමනාන්තය දක්වා එන්න ඕනි. එහෙම ඇවිත් 2කිමී විතර අයිත් පයින් යන්න ඕනි යහන්ගලට හැරෙන්න කියන බෝඩ් එක දකින්න. ඔතන ඉදන් තව කිමි 3 ක් විතර අඩි පාරෙ හයික් එකක් තමයි. මාස 4 කට විතර පස්සෙ කදු නගින්නෙ.. කට්ටියට මුලදි හැක්. යහන්ගල මග ගමේ ගෙදරකින් කෑමත් ඕඩර් කරල ආවෙ දවල්ට උයන්න වෙලාවක් නැති නිසා. ඒවා නිලානයගෙ contacts .

කොහෙද නිදාගන්නෙ ?

යහන්ගල මුදුනෙ කෑම්ප් ගහන්න බෑ. තහනමක් නෑ. ඒත් තදට හුලඟ. තද පසක් නැති නිසා කූඩාරම් පොලොවට සෙට් කරන්නත් බෑ. ඒ නිසා කෑම්ප් ගහන තැන තියෙන්නෙ පහල . Sleeping bags වගේ අරන් ගියොත් යහන්ගල උඩ ඉන්න පුලුවන්. ඒක flat ගලක් නිසා හෙණ ගහන අවදානමක් තියෙනවා හැබැයි. 😂 සම්ප්‍රදාය ක් විදියට යහන්ගල යද්දි මස් මාලු පිලී ජාති ගෙනියන්නෙත් නෑ. යහන්ගල උඩදි බොන්නෙත් නෑ.

ගමනෙදි වැදගත් කරුණු

මේ ගමනෙ උඩට යද්දි වතුර තමා වැඩගත්ම දේ වෙන්නෙ. යහන්ගල පාමුල කූඩාරම් ගහන තැනට 1කිමි පහලින් වගෙ තියෙන වතුර බටයක් හැර ඊට ඉහල කිසිම ජල මූලාශ්‍රයක් නෑ. ඉතින් බටේ ගාවින් තියෙන හැම දේටම වතුර පුරව ගත්ත. අන්තිමට යහන්ගල පාමුලට ආව . පට්ට වීව් එක. පාමුලත් තියෙනව වීව් පොයින්ට් එකක්. නිලාන් කියන විදියට යහන්ගලට තව පාරක් තියෙනව ..,. පතන හරහා. ඒත් අලි ඉන්න නිසා ටිකක් අමාරුයිලු එන්න. අපි කෑම්ප් කරන තැනටත් සාමාන්‍යයෙන් අවුරුද්දෙ කාලයකදි අලි එනවලු. අලි බෙටි එහෙම තිබ්බ සාක්ෂි විදියට 😁.

යහන්ගල කියන්නෙ වෙනම විදියෙ හයික් එකක් .. අපි මුලින්ම කලේ පාමුල හොදම ස්පොට් එක සෙට් කරල කූඩාරම් ගහ ගත්ත එක. අපි ගෙනාපු සේරම බර පහලින් තියල සැහැල්ලු කර ගත්තා. මේක නගින්න ප්‍රධාන වශයෙන් සැහැල්ලු වෙන එකයි වැදගත්.

යහන්ගල ගැන මිනිස්සු කියන කතා

යහන්ගල ගැන ප්‍රදේශ වාසීන් අමුතු අමුතු කතන්දර කියනව. එහ් කතන්දර සේරටම වගේ රාවණා සම්බන්දයි. එතුමා කිසිදා මියදුනේ නෑ.. මේ කන්ද මැද නිද්‍රාශීලිව ඉන්නව කියන එක හැමෝම කියන කතන්දරයක්. තව රාමා ලංකාවට ඇවිත් මුලින්ම ලකේ ගලට නැගල රාවණාට දුන්න ඉලක්ක කරද්දි රාවණා හිටියෙ යහන්ගලලු. මේක හැම පැත්තෙන්ම හුදෙකලා කන්දක් වගේ පෙනුනට එකම එක පැත්තකින් අනිත් කදු එක්ක සම්බන්ද වෙලා තියෙනවා.. එහ් තමා අපේ හයික් එකේ ගමන් මාර්ගය. පාමුල ඉදන් දැක්කම මේක නගින්න පුලුවන්ද කියල දෙගිඩියාවක් එනව ඕනි කෙනෙක්ට.

නිලාන් නම් මුල ඉදන් කිව්වෙ මේක ලේසියෙන්ම කරන්න පුලුවන් කියල. ඒ අතර අපේ උණ කාරයොන්ට මේ කන්ද මුදුනෙ රෑ ඉන්නත් ඕනි උනා.ඉතින් 12.30 ට වගේ හැමෝම නගින්න පටන් ගත්ත. මේකෙ මුල් ටික තරමක් ලේසි උනාට මැදට එද්දි සමහර තැන් පටුයි , අංශක 90 ට වගේ තියෙන තැන් තියෙනව. හැබැයි අපේ අයට නම් කඹ දාන්න ඕනි උනේ නෑ. මෙකෙ යන්න අමාරුම තැන් දෙකයි තියෙන්නෙ. පොඩ්ඩක් එහා මෙහා උනොත් ඉවරයි. තව ටිකක් කල් ජීවත් වෙන්න තිබුණ නම් කියලා හිතෙනවා. 😂 නිලාන්ගෙ ටෙක්නික් වලින් ඒව තරණය කරන්න අපිට පුලුවන් උනා. ඇත්තටම නිලාන් කියන්නෙ සුපිරි ගයිඩෙක්. කොල්ලට කිසිම හදිස්සියක් තිබ්බෙ නෑ ඉකමනට ඉවරකරවන්න. සෙට් එකේ ආරක්ෂාව ගැන අම්බානට හිතනවා. Adventure කියලා අතල් ගන්න යන්නෙපා. සිහියෙන් නගින්න ඕනෙ මේක. කලුවර වැටෙන්න කලින් බහින්න බලාගෙන නගින්නත් ඕනේ.

කන්ද මුදුනට මොනාද පේන්නෙ

කොහොමෙන් කොහොම හරි යහන්ගල මුදුනට ආවම මහන්සිය දුවන්නෙ පෑල දොරින්. මෙච්චර වෙලාවක් හැන්ගිලා තිබුණු ලකේ ගල, Knuckles five peaks , මහවැලි ගඟ, මහියංගනය වෙහෙර, සොරබොර වැව වගේම කෙහෙල්පත්දොරුවත් හරිම ලස්ස්නට පේනවා. ඒ වගේම සීතල සනීප හුළඟක් අපිව නිවනවා. යහන්ගල ටාගට් එක කෙහෙල්පත්දොරුවට දික් වෙන්නෙ මෙතන්දි. 😂

පහලට බැහැලා ආපහු වතුර ගේන්නත් යන්න උනා අර කලින් කිව්ව බටය ගාවට ගිහින්. රාත්‍රිය යහන්ගල පාමුල ගත කරන අපි ඊළඟ දවසෙ කෙහෙල්පත්දොරුව නගින්න හිතාගත්තා. ආදරේට කියන්නෙ “කෙහෙල” එහෙමත් නැත්නම් Mini Everest . ලේසියට පෙනුනට එහෙමත් නෑ. 4කිමි වගේ දුරක්. Peaks 4ක්. යහන්ගල ලස්සන පේන්නෙ කෙහෙලට. ❤️ කෙහෙලෙ යද්දි නිලාන් අපි එක්ක ආවෙ නෑ. නිලාන් අපිට කිව්වා තව Hike එකක් තියෙනවා කෙහෙල ඉවර වෙලා වරෙන් කියලා. අපි කෙහෙල බැහැලා ඉවර වෙද්දි හවස 3 වගේ උනා. කලින් දවසෙ කෑම ගත්තු ගෙදරින්ම දවල්ට කාලා , බස් එකෙන් බූටලන්දට ගියා. අපි රෑ හිටියෙ නිලාන්ට අයිති පරණ ගෙදරක.

පස්සෙන්දා Hike එක තමයි ගැරඬි ඇල්ල. ඒකෙ නම් කඹත් දාලා නගින්න ඕනෙ කන්දක්.
ඒ වෙද්දි කොරෝනා ප්‍රශ්නෙ ආපහු උඩට ආපු නිසා අපි තීරණය කලා ගමන නවත්තන්න . එදා රෑ අපි හිටියෙ හරිම අපූරු තැනක. පුංචි බණ්ඩා මාමගෙ කමතේ. ඒක අපි සිහින දකින ජීවිතයක්. කන්දක් උඩ තැනිතලාවක පුංචි කුඹුරක්. මැටි ගෙයක්. අහලක කිසිම ගෙයක් නෑ. දොල පාරක්. තව මොනවද ඕනෙ. Mobitel නම් 4G ත් තිබුනා . 😜

මතක තියාගන්නම ඕන දේ

පුරුද්දක් විදියට අපි නම් යන ගමන් එන ගමන් මග වැටිලා තියෙන පොලිතීන්, කඩදාසි, බෝතල් වගේ දේවල් පවා අහුලගෙන එන්නෙ. මෑතකදී ට්‍රිප් ගිහින් නාරංගල, චැරියට් පාත් වගේ ලස්ස්න පරිසර පද්ධතීන් වනසලා ආපු මෝඩයො වගෙ හැසිරුනේ නම් නෑ. හැමෝගෙන්ම ඉල්ලනවා ට්‍රිප් එකක් යද්දි මොලෙයි මනුස්සකමයි ගෙදර තියලා යන්න එපා. මනසින් උසස් විදියට හැසිරෙන්න. නිලාන්ගෙ contact එක සඳහන් කරන්නම්. අපි නම් එයාව 5 star guide කෙනෙක් හැටියට recommend කරනවා. (Nilan Eranda – 0702281708)

සටහන හා ඡායාරූප – Malith Sugandike Indeewara Palliyage